Yunus Emre - Aşıklara ne diyem

Evvel yir-gök yogıdı varıdı ışk bünyadı

Aşıklara ne diyem ışk haberinden şirin
Işkıla dinleyene eydeyin birin birin

Hayf durur ışksuzlara ışkdan haber söylemek
Kim gerçek aşıkısa ben razum ana dirin

Evvel yir-gök yogıdı varıdı ışk bünyadı
Işk ezelden kadimdür ışk getürdi ne varın

Evvel ezel bezminde kim dost yüzin gördiyise
Anun canıdur aşık sor andan ışk haberin

Işkı hiç bir nesneye mesel baglasam olmaz
Dünya vü ahiretde ne dutısar ışk yirin

Emanetdür sakıngıl ışk haberini zinhar
Oturup degme yirde söyleme ışkun sözin.

Yunus Emre
eydeyin: söyleyin
birin birin: bir bir, tek tek
hayf: zulüm
bünyad: asıl